Mario Biondi koncert në Tiranë, në kuadër të Javës Kulturore Italiane

Këngëtari i njohur Mario Biondi vjen me një koncert në skenën e Teatrit Kombëtar të Operës dhe Baletit. Artisti i shumë skenave prestigjioze në botë, me timbrin e tij të thellë dhe elegancën unike soul & jazz, do të ngjitet më 1 qershor në skenën e Teatrit Kombëtar të Operës dhe Baletit në Tiranë. Koncerti do të zhvillohet në kuadër të Javës Kulturore Italiane, në bashkëpunim me Ambasadën Italiane në Shqipëri, Institutin Italian të Kulturës dhe TKOB. Teatri shprehet, se i njohur ndërkombëtarisht për hitin ikonik “This Is What You Are”, bashkëpunimet me legjenda të muzikës botërore dhe koncertet në teatrot e festivalet më të rëndësishme europiane, Mario Biondi ka krijuar një identitet artistik të pakrahasueshëm. “Ku soul-i & jazz-i ndërthuren në mënyrë perfekte”, thuhet nga teatri. Koncerti që do të zhvillohet së shpejti në Tiranë, gjithashtu është në vijim dhe të atyre më parë që kanë sjellë në skenë emra të njohur të muzikës. Këtë herë në skenë në Tiranë do të jetë këngëtari Mario Biondi, i cili ka nisur të fitojë famë në Itali dhe më gjerë, që nga fillimi i viteve 2000. Albumet e tij, si Handful of Soul, janë shumë të njohura dhe kanë arritur sukses ndërkombëtar. Në Tiranë dhe qytete të tjera të vendit, nga 31 maji deri më 6 qershor do të zhvillohen aktivitetet e Javës Kulturore Italiane. Programi i kësaj jave parashikon 15 evente të artit pamor, muzikës, modës, teatrit dhe kinemasë, të cilat do të zhvillohen në të gjithë vendin: Tiranë, Vlorë, Gjirokastër, Berat, Butrint.

Mario Biondi koncert në Tiranë, në kuadër të Javës Kulturore Italiane

Related

Përfundojnë gërmimet arkeologjike në Amantia, zbulohet një godinë antike dhe të dhëna të reja për historinë e qytetit

“Miku i librit” dhe “Biblioteka e artit” sjellin lexime, biseda dhe takime me autorë dhe studiues arti në shkolla

“Fundi i Golemëve” nga Nikolla Zoraqi premierë botërore në TKOB, Zhani Ciko: Opera trajton një subjekt që është i…

Kori i Teatrit të Operës dhe Baletit këndon shqip në Festivalin e Koreve “Sergio Chiarlo” në Itali