“Miku i librit” dhe “Biblioteka e artit” sjellin lexime, biseda dhe takime me autorë dhe studiues arti në shkolla

Përgjatë muajit maj, “Miku i librit” dhe “Biblioteka e artit” përfshinë seanca leximesh dhe biseda me shkrimtarë dhe përkthyes, si dhe takime me studiues arti dhe autorë librash arti. “Miku i librit” dhe “Biblioteka e artit”, dy fushata që Qendra Kombëtare e Librit dhe Leximit organizoi në disa shkolla të kryeqytetit me motot: “Së bashku krijojmë një shkollë që lexon” dhe “Artistët e së nesërmes “takojnë” artistët e së djeshmes”,patën një ditë më parë seancat përmbyllëse. QKLL shprehet se shkrimtarët bashkëbiseduan me lexuesit, studiuesit e artit me artistët e ardhshëm. “QKLL-ja i konsideron takimet e majit si një hap zanafillor që do të ndiqet nga të tjerë, me qëllimin për t’i shndërruar në traditë”, thuhet nga QKLL. Më tej Qendra Kombëtare e Librit dhe Leximit shprehet gjithashtu se vlerëson mbështetjen e Ministrisë së Arsimit, Drejtorisë Arsimore Tiranë,shkollave: Gjimnazi me orientim gjuhësor “Asim Vokshi”;Gjimnazi “Ismail Qemali”; Shkolla 9-vjeçare “Skënder Çaçi”; Shkolla jopublike “Faik Konica”; Liceu artistik “Jordan Misja”. Gjithashtu Qendra Kombëtare e Librit dhe Leximit (QKLL)vlerëson gatishmërinë e shkrimtareve e të studiuesve për të qenë në takime me nxënësit dhe gatishmërinë e botuesve për të ofruar disa kopje librash dhuratë për bibliotekat e shkollave, ku u zhvilluan takimet. Në vijim nga QKLL do të ketë të tjera aktivitete me në fokus librin dhe leximin.

“Miku i librit” dhe “Biblioteka e artit” sjellin lexime, biseda dhe takime me autorë dhe studiues arti në shkolla

Related

Mario Biondi koncert në Tiranë, në kuadër të Javës Kulturore Italiane

Përfundojnë gërmimet arkeologjike në Amantia, zbulohet një godinë antike dhe të dhëna të reja për historinë e qytetit

“Fundi i Golemëve” nga Nikolla Zoraqi premierë botërore në TKOB, Zhani Ciko: Opera trajton një subjekt që është i…

Kori i Teatrit të Operës dhe Baletit këndon shqip në Festivalin e Koreve “Sergio Chiarlo” në Itali