KMSH kundër udhëzimit për terapinë hormonale për transgjinorët: Praktika të tilla cenojnë familjen! Vendime me pasoja të thella për jetën e të miturve

Komuniteti Mysliman i Shqipërisë ka reaguar ndaj udhëzimit të Ministrisë së Shëndetësisë, sipas të cilit për herë të parë në shërbimin publik shëndetësor në Shqipëri parashikohet kryerja e terapisë hormonale për personat transgjinorë, përfshirë edhe të miturit. Në një qëndrim publik, KMSH shprehet se po e ndjek me “shqetësim të thellë” debatin e krijuar pas publikimit të udhëzimit, duke veçuar pjesën ku thuhet se terapia hormonale mund të nisë nga mosha 16 vjeç dhe, në raste të veçanta, edhe nga mosha 14 vjeç. Sipas Komunitetit Mysliman, udhëzime të tilla përbëjnë një çështje tepër delikate, që prek drejtpërdrejt zhvillimin fizik, emocional dhe psikologjik të fëmijëve dhe adoleshentëve. “Udhëzime të tilla përbëjnë një çështje jashtëzakonisht delikate, që prek drejtpërdrejt zhvillimin fizik, emocional dhe psikologjik sidomos të fëmijëve dhe adoleshentëve tanë. Për këtë arsye, çdo hap institucional në këtë drejtim duhet të trajtohet me kujdes maksimal, përgjegjësi të lartë dhe ndjeshmëri ndaj vlerave të shoqërisë shqiptare”, thuhet në deklaratën e KMSH-së. KMSH shpreh kundërshtimin ndaj çdo qasjeje që, sipas saj, hap rrugë për ndërhyrje hormonale në mosha të hershme, duke theksuar se të miturit nuk duhet të përballen me procese që sjellin pasoja afatgjata për jetën e tyre, në një periudhë kur identiteti dhe personaliteti janë ende në formim. Komuniteti Mysliman i Shqipërisë i bën thirrje institucioneve shtetërore, profesionistëve të shëndetit, prindërve dhe aktorëve të tjerë shoqërorë që çështje të tilla të trajtohen me maturi, dialog të gjerë dhe përgjegjësi kombëtare. Komuniteti Mysliman i Shqipërisë: Qëndrim publik mbi udhëzimin për terapinë hormonale te të miturit Komuniteti Mysliman i Shqipërisë po ndjek me shqetësim të thellë debatin publik të krijuar pas publikimit të udhëzimit të Ministrisë së Shëndetësisë në tërësi, dhe në veçanti pjesën, ku ndër të tjera thuhet: “Terapia mund të nisë nga mosha 16 vjeç, ndërsa në raste të veçanta, mund të konsiderohet edhe nga mosha 14 vjeç.” Ashtu sikurse kemi qëndruar publikisht kundër ligjit të ashtuquajtur për barazinë gjinore, i mbetemi koherent qëndrimit kundër edhe derivateve të tjera të tij, siç është rasti konkret. Udhëzime të tilla përbëjnë një çështje jashtëzakonisht delikate, që prek drejtpërdrejt zhvillimin fizik, emocional dhe psikologjik sidomos të fëmijëve dhe adoleshentëve tanë. Për këtë arsye, çdo hap institucional në këtë drejtim duhet të trajtohet me kujdes maksimal, përgjegjësi të lartë dhe ndjeshmëri ndaj vlerave të shoqërisë shqiptare. Komuniteti Mysliman i Shqipërisë shpreh kundërshtimin e tij ndaj çdo qasjeje që hap rrugë për ndërhyrje hormonale në mosha të tilla. Ne besojmë se të miturit nuk duhet të vendosen përballë proceseve me pasoja të thella dhe afatgjata për jetën e tyre, në një periudhë kur personaliteti dhe identiteti i tyre janë ende në formim. Fëmijët kanë nevojë për mbrojtje, orientim, mbështetje familjare dhe kujdes profesional të përgjegjshëm. Shoqëria jonë nuk duhet të normalizojë praktika që krijojnë paqartësi dhe tension social në raport me natyrën njerëzore, familjen dhe edukimin e brezave të rinj. KMSH i bën thirrje institucioneve shtetërore, profesionistëve të shëndetit, prindërve dhe gjithë aktorëve shoqërorë që çështje të tilla të mos trajtohen me nxitim apo nën ndikimin e trendeve ideologjike të përkohëshme, por me maturi, dialog të gjerë dhe përgjegjësi kombëtare. Ne qëndrojmë pranë shqetësimit të shumë prindërve dhe besimtarëve, të cilët kërkojnë ruajtjen e vlerave familjare, mbrojtjen e fëmijëve dhe respektimin e ndjeshmërisë morale e kulturore të shoqërisë sonë. © GjeneralKapteri Te lidhura KMSH kundër udhëzimit për terapinë hormonale për transgjinorët: Praktika të tilla cenojnë familjen! Vendime me pasoja të thella për jetën e të miturve VIDEO/ Tragjedi rrugore në SHBA, autobusi me pasagjerë përplaset me 6 makina, 5 të vdekur dhe 34 të plagosur! FOTOLAJM/ Moment krenarie, Eva Murati nderohet me medaljen e veçantë në Romë Putin paralajmëron Evropën: Do të shkatërrojmë këdo që përpiqet të sulmojë Kaliningradin! NATO: Droni që sulmoi në Rumani ishte rus! INTERVISTA/ “Integrimi s’është proces teknik, por politik!”- Diplomati Zef Mazi: Procesi po zvarritet qëllimisht! Korrupsioni dhe krimi, pengesat reale drejt BE-së!

KMSH kundër udhëzimit për terapinë hormonale për transgjinorët: Praktika të tilla cenojnë familjen! Vendime me pasoja të thella për jetën e të miturve

Related

Dhunimi ndaj protestuesit në Zvërnec, Gjykata lë në “Arrest në burg” truprojën e firmës private, Geraldo Biba

Dyshimet për tjetërsimin e pronave në Zvërnec, SPAK urdhëron kontrolle në Tiranë dhe Vlorë! Në ‘sitë’ ish avokati Pëllumb Petritaj dhe Redi Struga

Pagat bruto vjetore, Shqipëria renditet në fund të listës me 10 mijë euro në vit, sa një e pesta e Europës

Trajtimi hormonal i personave transgjinorë, Këshilli Ndërfetar kërkon transparencë dhe debat të gjerë publik