Terapi hormonale në QSUT për transgjinorët, zv.ministrja Tomini: Udhëzuesi është dokument orientues, jo protokoll përfundimtar! Nuk rekomandon nisjen e trajtimit në fëmijëri

Zv.ministrja e Shëndetësisë dhe Mirëqenies Sociale, Eugena Tomini, ka bërë një reagim për udhëzimin e ministrisë së Shëndetësisë për trajtimin hormonal të personave transgjinorë në Shërbimin e Endokrinologjisë në Qendrën Spitalore Universitare ‘Nënë Tereza’ (QSUT). Zëvendës ministrja deklaroi se udhëzuesi mbi trajtimin hormonal përbën një dokument orientues klinik dhe jo një protokoll përfundimtar terapeutik. Sipas Tominit, ky udhëzues është hartuar mbi bazën e praktikave dhe rekomandimeve ndërkombëtare, si edhe të vlerësimit të një ekipi multidisiplinar specialistësh. LEXO EDHE: Ministria e Shëndetësisë urdhër për ofrimin e trajtimit hormonal për transgjinorët në QSUT! Protokolli mjekësor, kriteret për moshën dhe efektet anësore Tomini thotë se dokumenti ka si qëllim orientimin e profesionistëve në procesin e rekomandimit të terapisë hormonale për individët që referohen për këtë shërbim dhe nuk rekomandon nisjen e trajtimit në fëmijëri. Sipas saj, udhëzuesi i referohet vetëm të rriturve të këtij target grupi, në përputhje me legjislacionin në fuqi dhe mbi bazën e konsentit individual të informuar. “Çdo rast vlerësohet individualisht nga ekipi multidisiplinar dhe nëse individi ka patologji të caktuara mund të përjashtohet nga ky udhëzim në varësi të vlerësimit klinik.”, u shpreh ajo. Në lidhje me çështjen e rimbursimit, Tomini deklaroi se udhëzuesi nuk trajton dhe nuk përcakton skema rimbursimi për medikamentet hormonale. Dokumenti përfshin vetëm rekomandime të përgjithshme dhe tipe të ndryshme të terapive hormonale, bazuar në praktikat klinike ndërkombëtare. “Udhëzuesi nuk trajton dhe nuk përcakton skema rimbursimi për medikamentet hormonale. Në to përfshihen vetëm rekomandimet të përgjithshme dhe tipe të ndryshme të terapive hormonale sipas praktikave klinike.”, tha Tomini. Fjala e Tominit: Ky udhëzues konsiderohet një udhëzues orientues klinik dhe jo një protokoll përfundimtar terapeutik. Ai orienton profesionistët shëndetësorë në procesin e rekomandimit apo referimit mbi terapinë hormonale për individët që janë të interesuar për këtë shërbim. Udhëzuesi mbështetet në praktikat dhe rekomandimet ndërkombëtare si dhe në vlerësimin e një ekipi multidisiplinar me specialist klinicist, profesionist psikosocial, specialit të shëndetit mendor. Çdo rast vlerësohet individualisht nga ekipi multidisiplinar dhe nëse individi shfaq apo ka patologji të caktuara mund të përjashtohet nga ky udhëzim në varësi të vlerësimit klinik. Ky udhëzues ka karakter thjesht klinik dhe zbatohet në nivel universitar nga Shërbimi i Endokrinologjisë si struktura referente për terapinë hormonale. Udhëzuesi nuk trajton dhe nuk përcakton skema rimbursimi për medikamente dhe terapinë hormonale. Në to përfshihen vetëm rekomandimet të përgjithshme dhe tipe të ndryshme të terapive hormonale sipas praktikave klinike. Hartimi i protokolleve specifike të trajtimit dhe çdo vendimmarrje mbi rimbursimin janë procese të mëvonshme të cilat zbatohen me vlerësimin klinik të individualizuar të pacientit dhe në zbatimin e praktikave rregullatore institucionale. © GjeneralKapteri Te lidhura VIDEO/ Vdekja e themeluesit të “Mango-s”, avokatët e të birit nën akuzë publikojnë pamjet e një incidenti tjetër të Isaac Andic: Artriti i ka shkaktuar rënien në humnerë Sulmi në Rumani, reagon Kremlini: Akuzat për dronë rusë në territorin e BE-së janë të pabazuara Rreziku nga zjarret, kryepolici Hita: Kemi nisur marrjen e masave parandaluese, ata që i ndezin do të përballen me drejtësinë “Hiqi profesionistët, mbaji ushtarët”! Çfarë po ndodh në administratën tatimore nën drejtimin e Ilir Binajt? Transparenca dhe profesionalizmi po zëvendësohen nga presioni Nazistët e dogjën tri herë Borovën, por nuk e prekën “Birra Korça”! Sot Tatimet kërkojnë të dëmtojnë me çdo kusht fabrikën historike

Terapi hormonale në QSUT për transgjinorët, zv.ministrja Tomini: Udhëzuesi është dokument orientues, jo protokoll përfundimtar! Nuk rekomandon nisjen e trajtimit në fëmijëri

Related

Dhunimi ndaj protestuesit në Zvërnec, Gjykata lë në “Arrest në burg” truprojën e firmës private, Geraldo Biba

Dyshimet për tjetërsimin e pronave në Zvërnec, SPAK urdhëron kontrolle në Tiranë dhe Vlorë! Në ‘sitë’ ish avokati Pëllumb Petritaj dhe Redi Struga

Pagat bruto vjetore, Shqipëria renditet në fund të listës me 10 mijë euro në vit, sa një e pesta e Europës

Trajtimi hormonal i personave transgjinorë, Këshilli Ndërfetar kërkon transparencë dhe debat të gjerë publik