Ministria e Shëndetësisë urdhër për ofrimin e trajtimit hormonal për transgjinorët në QSUT! Protokolli mjekësor, kriteret për moshën dhe efektet anësore

Ministria e Shëndetësisë ka miratuar një udhëzim të ri për trajtimin hormonal të personave transgjinorë në Shërbimin e Endokrinologjisë në Qendrën Spitalore Universitare ‘Nënë Tereza’ (QSUT). Udhëzimi i firmosur nga zv. ministrja Eugena Tomnini, përcakton kriteret mjekësore, procedurat klinike dhe monitorimin për terapinë hormonale, e cila do të mbulohet nga fondet publike. Protokolli parashikon trajtim për të rriturit, por edhe për adoleshentët nga 16 vjeç kur vlerësohet nga mjekët edhe ka miratimin e familjes. Për pacientët e rritur me mospërputhje gjinore, dokumenti thekson se trajtimi duhet të kryhet nga klinicistë me ekspertizë të kombinuar në diagnozë specifike për transgjinorët, shëndetin mendor, kujdesin parësor, terapinë hormonale dhe kirurgjinë, sipas nevojës së pacientit. Udhëzuesi sugjeron mbajtjen e niveleve hormonale në vlera fiziologjike të përshtatshme për gjininë e synuar, si dhe monitorim të vazhdueshëm për rreziqe dhe komplikacione të njohura shëndetësore. Në raste kur kërkohen doza të larta të hormoneve seksuale për të frenuar prodhimin endogjen ose në situata të moshës më të avancuar, mjekët mund të marrin në konsideratë edhe heqjen kirurgjikale të gonadave, së bashku me reduktimin e terapisë hormonale. Po ashtu, theksohet nevoja për monitorim të kujdesshëm të pacientëve transgjinorë femër-mashkull dhe mashkull-femër për rrezikun e mundshëm të zhvillimit të tumoreve të organeve riprodhuese, veçanërisht kur ndërhyrjet kirurgjikale nuk janë të plota. “Trajtimi hormonal nuk rekomandohet për personat me disforizim gjinor/inkongruent para pubertetit. Mund të ketë arsye bindëse për të filluar trajtimin e hormoneve seksuale para moshës 16 vjeç, megjithëse ka përvojë minimale të publikuar për trajtimin e moshës 13,5 deri në 14 vjeç. Për personat e rritur me disforikë/mospërputhje gjinore, klinicistët (së bashku) duhet të kenë ekspertizë në kriteret diagnostike specifike për transgjinor, shëndetin mendor, kujdesin parësor, trajtimin hormonal dhe kirurgjinë, sipas nevojës së pacientit. Sugjerohet mbajtja e niveleve fiziologjike të hormoneve të përshtatshme për gjininë dhe monitorimin për rreziqet dhe komplikimet e njohura. Kur nevojiten doza të larta të steroideve seksuale për të bllokuar steroidet seksuale endogjene dhe/ose në moshë të madhe, mjekët mund të konsiderojnë heqjen kirurgjikale të gonadave natale së bashku me reduktimin e trajtimit me steroid seksual. Klinicistët duhet të monitorojnë si meshkujt transgjinorë (femër në mashkull) ashtu edhe femrat transgjinore (mashkull te femra) për rrezikun e kancerit të organeve riprodhuese kur heqja kirurgjikale është jo e plotë. Për më tepër, mjekët duhet të monitorojnë vazhdimisht efektet negative të steroideve seksuale”, thuhet në udhëzimin e ministrisë. Sipas protokollit, terapia hormonale sjell ndryshime fizike graduale që zhvillohen përgjatë muajve dhe viteve të para të trajtimit. Tek burrat transgjinorë mund të ndodhin trashja e zërit, rritja e qimeve dhe shtimi i masës muskulore, ndërsa tek gratë transgjinore mund të shfaqet zhvillimi i gjoksit, zbutja e lëkurës dhe reduktimi i qimeve trupore. Shumë prej këtyre ndryshimeve zhvillohen gradualisht gjatë një deri në dy viteve terapi. Përpara nisjes së trajtimit, pacientët duhet t’i nënshtrohen vlerësimeve mjekësore dhe psikosociale, analizave hormonale dhe ekzaminimeve laboratorike. Ata duhet gjithashtu të nënshkruajnë “Fletën e Pëlqimit të Informuar”, ku pranojnë se janë njohur me efektet, rreziqet dhe pasojat e mundshme afatgjata të terapisë, përfshirë ndikimin në fertilitet. Protokolli paralajmëron edhe për rreziqet mjekësore që mund të shoqërojnë terapinë hormonale, si problemet kardiovaskulare, hipertensioni, çrregullimet metabolike apo komplikacionet tromboembolike. Për këtë arsye, pacientët do të monitorohen periodikisht, sidomos gjatë vitit të parë të trajtimit. © GjeneralKapteri Te lidhura Ministria e Shëndetësisë urdhër për ofrimin e trajtimit hormonal për transgjinorët në QSUT! Protokolli mjekësor, kriteret për moshën dhe efektet anësore Planifikoi sulm terrorist në koncertin e Taylor Swift, 21-vjeçari austriak dënohet me 15 vite burg Gasperinit nuk i ndahet zemra nga Gjimshiti, kërkon te Roma kapitenin e Shqipërisë për ta ndihmuar në Champions Parashikimi i frikshëm i fizikantit, ja sa do të jetë popullsia e Botës në vitin 2064! “Qëndron vetë në majën e aferës”- Gjykata e Lartë e la në burg, Kulluri: Pozita e Veliajt u rëndua nga intimidimi i dëshmitarëve nëpërmjet Bushkës!

Ministria e Shëndetësisë urdhër për ofrimin e trajtimit hormonal për transgjinorët në QSUT! Protokolli mjekësor, kriteret për moshën dhe efektet anësore

Related

Dhunimi ndaj protestuesit në Zvërnec, Gjykata lë në “Arrest në burg” truprojën e firmës private, Geraldo Biba

Dyshimet për tjetërsimin e pronave në Zvërnec, SPAK urdhëron kontrolle në Tiranë dhe Vlorë! Në ‘sitë’ ish avokati Pëllumb Petritaj dhe Redi Struga

Pagat bruto vjetore, Shqipëria renditet në fund të listës me 10 mijë euro në vit, sa një e pesta e Europës

Trajtimi hormonal i personave transgjinorë, Këshilli Ndërfetar kërkon transparencë dhe debat të gjerë publik