“Dance OFF 2026” kthen Rrogozhinën në skenën e madhe të kërcimit rinor

Mbi 100 të rinj kërcimtarë, nxënës nga gjimnaze të ndryshme përfaqësues të tetë qyteteve kryesore të Shqipërisë- Tiranë, Durrës, Vlorë, Fier, Lushnjë, Elbasan, Rrogozhinë dhe Librazhd u bënë pjesë e një prej aktiviteteve më energjike dhe frymëzuese të vitit, kompeticionit kombëtar të kërcimit “Dance OFF”, i zhvilluar në Pallatin e Kulturës në Rrogozhinë. Për një ditë, skena u kthye në një hapësirë ku talenti, pasioni dhe kreativiteti i të rinjve morën jetë përmes performancave plot energji, emocione dhe profesionalizëm. Sipas Ministrisë së Turizmit, Kulturës dhe Sportit që ka ndarë dhe foto në rrjete sociale, me këtë aktivitet u krijua një atmosferë unike artistike. “Grupet pjesëmarrëse sollën stile të ndryshme kërcimi, duke krijuar një atmosferë unike artistike dhe duke dëshmuar potencialin e jashtëzakonshëm që rinia shqiptare mbart në fushën e artit dhe kulturës. “Dance OFF” nuk ishte thjesht një garë. Ai ishte një takim i madh rinor që promovoi bashkëpunimin, miqësinë, shkëmbimin e eksperiencave dhe ndërtimin e urave mes të rinjve nga qytete të ndryshme të vendit. Përmes artit të kërcimit, pjesëmarrësit ndanë emocione, krijuan lidhje të reja dhe përcollën mesazhe pozitive për rëndësinë e angazhimit kulturor dhe artistik në jetën e të rinjve”, thuhet nga Ministria e Turizmit, Kulturës dhe Sportit. Kompeticioni kombëtar i kërcimit “Dance OFF” në Pallatin e Kulturës në Rrogozhinë u realizua dhe me mbështetjen e MTKS-së.

“Dance OFF 2026” kthen Rrogozhinën në skenën e madhe të kërcimit rinor

Related

“Nga lira e lashtësisë drejt teatrit lirik”, koncert-konferencë në muzeun Arkeologjik në Tiranë

Baleti “Radian”, një krijim i ri koreografik vjen si premierë botërore, ku lëvizja, muzika dhe hapësira skenike…

Bylis, mblidhet Komiteti Drejtues i projektit të BE-së për zhvillimin e turizmit me në fokus trashëgiminë kulturore

Gërmimet arkeologjike sjellin të dhëna të reja për zhvillimin e Scampis në shekujt V-VI