“”Birra Korça” sipërmarrja më e vjetër shqiptare”/ Kreu i PLL: Sulmet e tatimorëve po dëmtojnë klimën e biznesit dhe ekonominë, t’u jepet fund praktikave abuzive

Kreu i Partisë Lëvizja e Legalitetit, Shpëtim Axhami ka reaguar lidhur me goditjet e padrejta të tatimorëve ndaj “Birra Korça”, duke shprehur shqetësim për situatën e krijuar ndaj një prej sipërmarrjeve më të vjetra në vend. Në reagimin e tij, Axhami thekson se bllokimi i llogarive bankare dhe kufizimet në aktivitetin doganor, sidomos në prag të sezonit veror, krijojnë pasiguri serioze dhe ndikojnë negativisht në klimën e biznesit në Shqipëri. Ai thekson se çdo biznes që investon, punëson dhe kontribuon në ekonominë shqiptare meriton trajtim të drejtë, transparencë institucionale dhe mbrojtje nga praktikat e padrejta administrative apo politike. “Partia Lëvizja e Legalitetit mbështet sipërmarrjen shqiptare dhe konkurrencën e ndershme, duke kërkuar respektimin e shtetit të së drejtës dhe garantimin e një klime të sigurt për biznesin”, shton më tej Axhami. Reagimi i plotë nga kreu i PLL, Shpëtim Axhami Në mbrojtje të biznesit! Partia e Legalitetit shpreh shqetësimin për situatën e krijuar ndaj shoqërisë Birra Korça, një prej sipërmarrjeve më të vjetra dhe simbolike shqiptare, me traditë që prej vitit 1928. Bllokimi i llogarive bankare dhe kufizimet në aktivitetin doganor, veçanërisht në prag të sezonit veror, krijojnë pasiguri dhe shqetësime serioze për kompaninë dhe ndikojnë negativisht në klimën e biznesit në vend. Ne besojmë se çdo biznes që investon, punëson dhe kontribuon në ekonominë shqiptare meriton trajtim të drejtë, transparencë institucionale dhe mbrojtje nga çdo praktikë e padrejtë administrative apo politike. Partia Lëvizja e Legalitetit mbetet në mbështetje të sipërmarrjes së ndershme shqiptare dhe zhvillimit të ekonomisë kombëtare duke garantuar respektimin e shtetit të së drejtës dhe konkurrencën e ndershme. © GjeneralKapteri Për t’u bërë pjesë e grupit "GjeneralKapteri" mjafton të klikoni: Join Group dhe kërkesa do t’ju aprovohet menjëherë. Grupi GjeneralKapteri Etiketa: Administrata Tatimore birra korca Kreu i PLL Shpetim Axhami Skandalet e Tatimeve

“”Birra Korça” sipërmarrja më e vjetër shqiptare”/ Kreu i PLL: Sulmet e tatimorëve po dëmtojnë klimën e biznesit dhe ekonominë, t’u jepet fund praktikave abuzive

Related

FOTO/ Aeroporti Ndërkombëtar i Tiranës dhe Ryanair inaugurojnë linjën e re direkte drejt Parmës

Jet Bank dhe kurajo për banking 100% digjital në Shqipëri

Shtohet varësia nga produktet e huaja ushqimore, rriten me 16% importet në janar-prill

Pagat bruto vjetore, Shqipëria në fund të listës me 10 mijë euro në vit, sa një e pesta e Europës