Shifra të FRIKSHME! Aksidentet rrugore u rritën me 17.9% në prill, mbi 190 viktima dhe të plagosur në një muaj

Pas një katërmujori thuajse të qëndrueshëm, aksidentet rrugore në vendin tonë kanë shënuar rritje të fortë gjatë prillit. Sipas të dhënave të INSTAT, në muajin prill 2026 u regjistruan 132 aksidente rrugore në të gjithë vendin, nga 112 që ishin në të njëjtin muaj të vitit të kaluar, me një rritje prej 17.9%. Pasojat në njerëz kanë qenë gjithashtu të rënda. Gjatë prillit mbetën të vrarë ose të plagosur 194 persona, nga 162 një vit më parë, ose 19.8% më shumë. Tirana rezulton qarku më problematik, me 60 aksidente në prill 2026 nga 34 që ishin një vit më parë. Edhe numri i të aksidentuarve në kryeqytet u rrit ndjeshëm, nga 48 në 78 persona. Rritje e fortë u regjistrua edhe në Vlorë, ku aksidentet u dyfishuan nga 6 në 14, ndërsa numri i të plagosurve dhe viktimave shkoi nga 6 në 25 persona. Në disa qarqe të tjera, si Durrësi, Shkodra, Lezha dhe Berati, situata rezultoi më e qetë krahasuar me prillin e vitit të kaluar. Pavarësisht përkeqësimit në prill, bilanci i katërmujorit të parë të 2026-ës mbetet pothuajse i pandryshuar. Në këtë periudhë u regjistruan 414 aksidente rrugore, vetëm një më shumë se një vit më parë. Edhe numri i të vrarëve dhe të plagosurve ka mbetur në të njëjtat nivele, me 585 persona të prekur nga aksidentet. Sipas INSTAT, 89.4% e aksidenteve gjatë prillit kanë ardhur si pasojë e sjelljes së drejtuesve të mjeteve. Grupmosha 25-34 vjeç mban peshën më të lartë të aksidenteve, ndërsa orari më problematik rezulton ai mes orës 19:00 dhe 24:00, ku ndodhën 30.3% e aksidenteve totale.

Shifra të FRIKSHME! Aksidentet rrugore u rritën me 17.9% në prill, mbi 190 viktima dhe të plagosur në një muaj

Related

Pagat bruto vjetore/ Shqipëria renditet në fund të listës me 10 mijë euro në vit, sa një e pesta e Europës

Euro dhe dollari nuk dalin nga gremina? Zbuloni me sa këmbehen monedhat e huaja sot

Zyrtarisht në stinën e verës/ Parashikimi i motit për sot: Ja sa do të jenë temperaturat

Euro e dollari e mbyllin majin më të DOBËTA se kurrë! Rekord i ri edhe për rezervat valutore, 7.5 mld €