“Ndjej dhimbje, ishte një penallti e qartë e padhënë ndaj Maduekes”, Arteta i jep dorën Luis Enrikes: Është trajneri më i mirë në botë

“Dhimbje”, kjo është fraza që ka thënë Mikel Arteta pas humbjes në finalen e Ligës së Kampionëve kundër PSG-së. Trajneri i Arsenalit u shpreh se i dhemb fakti se i shkuan kaq pranë objektivit dhe nuk mund të fitonin në fund. Ai përgëzon Luis Enriken dhe e vlerëson si trajnerin më të mirë në botë. Ndërkohë nga ana tjetër ai ka shprehur edhe pakënaqësinë e tij me arbitrimin, pasi pretendon për një penallti të padhënë ndaj Maduekes. “Dhimbje… kaq është gjithçka. Kur je kaq afër objektivit në këtë garë dhe humbet me penallti në garën më të madhe të klubeve, kur ishe kaq afër, kjo është ajo që ndjen. Duhet të fillojmë nga e para dhe niveli i konkurrencës rritet çdo sezon. Nuk kemi humbur asnjë ndeshje këtë sezon, por kur gjërat nuk shkojnë sipas dëshirës… Ishte penalltia e dhënë kundër nesh dhe pastaj ajo që, sipas mendimit tim, nuk u dha ndaj Maduekes. Kjo ishte qartësisht një penallti në sytë e mi. Dua të përgëzoj PSG-në, dhe Luis Enriken në veçanti, sepse ai është, për mua, trajneri më i mirë në botë. Nuk ishte plani të bënim atë që bëmë, por kjo është edhe falë Parisit”, ka deklaruar Mikel Arteta./GjeneralKapteri/

“Ndjej dhimbje, ishte një penallti e qartë e padhënë ndaj Maduekes”, Arteta i jep dorën Luis Enrikes: Është trajneri më i mirë në botë

Related

Arlind Ajeti mund të luajë sërish në Superligën e Turqisë, mbrojtësin shqiptar e kërkojnë në merkato

Përflitet për një transferim te Reali i Madridit, Rodri e lë derën e hapur: Është normale të dalin zëra të tillë

Zyrtare/ Lojtari shqiptar deklaroi se do të largohej në fund të sezonit, klubi italian i befason të gjithë dhe i ble kartonin

E kryer/ Mungon firma në kontratë, Memushaj merr drejtimin e ekipit italian