“Zhegrova krijon diçka nga hiçi”, kreu i Juventusit është i bindur për sulmuesin shqiptar: E kemi të qartë përse e kemi marrë

Sezoni i parë i Zhegrovës nuk ka shkuar ashtu siç pritej. Lojtari shqiptar u afrua me bujë të madhe te bardhezinjtë, por në fund nuk ia doli të fitonte dot vendin e titullarit në skuadër. Kjo ka bërë që të përflitet për një largim të mundshëm të tij. Megjithatë, CEO i Juventusit ka thënë së fundmi në një konferencë për shtyp me mediat se klubi dhe trajneri janë të kënaqur me kontributin e Zhegrovës. Komoli ka thënë se te klubi bardhezi, të gjithë janë të bindur për aftësitë e lojtarit shqiptar. “Klubi e dinte se mund të kishte frustrim me Zhegrovën, por ne zgjodhëm ta merrnim sepse ai ka një aftësi shumë të qartë. Ai mund të krijojë diçka nga asgjëja. Ai mund të dalë nga një situatë me këmbën e djathtë ose të majtë. Ka një cilësi specifike që na e kishin treguar si algoritmi ashtu edhe vëzhguesit. Kishte një mirëkuptim të qartë me lojtarin, i cili e dinte rolin e tij. E kuptoj frustrimin e tij. Ai më tha: “Nëse do ta kisha shënuar atë gol (kundër Gallatasarait), ndoshta do të kishte ndryshuar sezonin dhe karrierën time”. Unë iu përgjigja: “Po, është e mundur, por tani duhet të jesh mjaftueshëm i fortë mendërisht për të reaguar”. Jemi të kënaqur me kontributin e tij. Ehe trajneri është i kënaqur edhe me kontributin e tij”, është shprehur Damien Komoli./GjeneralKapteri/

“Zhegrova krijon diçka nga hiçi”, kreu i Juventusit është i bindur për sulmuesin shqiptar: E kemi të qartë përse e kemi marrë

Related

Arlind Ajeti mund të luajë sërish në Superligën e Turqisë, mbrojtësin shqiptar e kërkojnë në merkato

Përflitet për një transferim te Reali i Madridit, Rodri e lë derën e hapur: Është normale të dalin zëra të tillë

Zyrtare/ Lojtari shqiptar deklaroi se do të largohej në fund të sezonit, klubi italian i befason të gjithë dhe i ble kartonin

E kryer/ Mungon firma në kontratë, Memushaj merr drejtimin e ekipit italian