“Luftë” teknologjike/ Bllokoi blerjen e startup-it të IA Manus nga Meta, Kina nuk do largimin e teknologjisë drejt SHBA-së

Qeveria kineze bllokoi blerjen e startup-it të inteligjencës artificiale Manus nga kompania Facebook Meta. SHBA dhe Kina janë në garë për teknologjinë e së ardhmes, inteligjencën artificiale. Kina bllokoi blerjen e planifikuar të startup-it tëinteligjencës artificiale Manus nga kompania amerikane Meta. Autoriteti përgjegjës për shqyrtimin e sigurisë së investimeve të huaja e ndaloi marrëveshjen dhe u kërkoi palëve ta anulojnë transaksionin, njoftoi Komisioni Kombëtar për Zhvillimin dhe Reformat. Ky vendim nxjerr në pah përpjekjet e Republikës Popullore të Kinës për të parandaluar largimin e talenteve dhe teknologjisë drejt SHBA-së. Të dy vendet janë në garë për udhëheqje në teknologjinë e së ardhmes, inteligjencën artificiale. Drejtuesit nuk duhet të largohen nga Kina Meta, kompania mëmë e platformave sociale si Facebook, WhatsApp dhe Instagram, kishte njoftuar në dhjetor blerjen e startup-it Manus. Çmimi i blerjes pritej të ishte mbi dy miliardë dollarë. Pekini e sheh këtë çështje të ndjeshme nga pikëpamja e sigurisë. Sipas raportimeve, gjatë shqyrtimit të ofertës disa drejtues kryesorë të kompanisë u penguan përkohësisht të largoheshin nga Kina. Ndër ta ishte edhe bashkëthemeluesi Xiao Hong. Selia e kompanisë zhvendoset në Singapor Startup-i Manus konsiderohet si specialist në të ashtuquajturit “agjentë të inteligjencës artificiale”. Këto programe nuk kufizohen vetëm në përgjigjen e pyetjeve, por mund të kryejnë edhe detyra më komplekse me ndërhyrje minimale njerëzore. Zanafilla e kompanisë ishte në Kinë, por më vonë ajo e zhvendosi selinë e saj në Singapor. Nga mediat shtetërore ajo konsiderohet si “DeepSeek i ardhshëm”. Kompania kineze e softuerit DeepSeek tërhoqi vëmendje në mbarë botën në fillim të vitit 2025 pas publikimit të një sistemi të fuqishëm të inteligjencës artificiale./DW © GjeneralKapteri Për t’u bërë pjesë e grupit "GjeneralKapteri" mjafton të klikoni: Join Group dhe kërkesa do t’ju aprovohet menjëherë. Grupi GjeneralKapteri

“Luftë” teknologjike/ Bllokoi blerjen e startup-it të IA Manus nga Meta, Kina nuk do largimin e teknologjisë drejt SHBA-së

Related

“SpaceX” drejt IPO-së historike, Musk trilioneri i parë?/ Vlera e kompanisë pritet të arrijë shifrën marramendëse

Zbulohet “varreza gjigante e balenave” në Oqeanin Indian, mijëra fosile në thellësi mbi 7,000 metra

Shkencëtarët paralajmërojnë se humbja e akullit të detit Arktik tregon rënie sistematike

Paradoksi, shqiptarët ndër vendet me akses më të lartë në internet, të fundit për aftësitë digjitale